Ye Naam Mumkin Nahi Rahy Gaa, Muqaam Mumkin Nahi Rahy Gaa

Ye Naam Mumkin Nahi Rahy Gaa, Muqaam Mumkin Nahi Rahy Gaa
Gharor Lehjay Mein Aaa Gaya To Kalaam Mumkin Nahi Rahay Ga

Ye Barf Mausam Jo Sheher-e-Jaan'n Mein Kuch Aur Lamhay Theher Gaya Tou
Laho Ka Dill Ki Kisi Gali Mein Muqaam Mumkin Nahi Rahay Ga

Tum Apny Sanson Se Meri Sansain Alag Tou Karnay Lagy Ho Laikin
Jo Kam Aasaan Samjh Rahy Ho Wo Kam Mumkin Nahi Rahay Ga

Wafa Ka Kaghaz Tou Bheg Jaie Ga Badgumaani Ki Barishon Mein
Khataon Ki Batain Tou Khwab Hon Gi Payam Mumkin Nahi Rahay Ga

Mein Janti Hun Mujhe Yaqeen Hai Agar Kabhi Tu Mujhe Bhula De
Tou Teri Aanhkon Mein Roshni Ka Qayam Mumkin Nahi Rahay Ga

Ye Hum Mohabbat Mein La Ta’alluq Se Ho Rahay Hain Tou Dekh Laina
Duaein Tou Khair Kon De Ga Salaam Mumkin Nahi Rahay Ga